“Гендердик теңсиздик жана зомбулук: жаштардын көз карашында” аталышындагы тегерек стол

2024-11-27 04:19:59 49

ОшМУнун Тарых жана юридика институтунун "Жарандык укук жана процесси"кафедрасынын доценттери Айтбаева Ж.С. жана Атамкулова Е.Т. тарабынанТарых-юридика институтунун 2- курсунун студенттеринин катышуусунда, жыл сайын 25-ноябрдан 10-декабрга чейин жүргүзүлүүчү аялдарга жана кыздарга карата зордук-зомбулукту алдын алууга жана жоюуга чакырган 16 күндүк глобалдык акциянын жана “Гендер жана адам укуктары” дисциплинасынын алкагында “Гендердик теңсиздик жана зомбулук: жаштардын көз карашында” аталышындагы тегерек стол өткөрүлдү. Аталган иш чарабызга эксперт-конок катары "Ак жүрөк" Кризистик борборунун жетекчиси Асилбекова Дарика эжеке, психолог Шерматова Аида, Милициянын подполковниги Ош ОИИБдин бөлүмчө башчысы Фарида Шананова жана Милициянын ага лейтенанты Айдарбек Жаркынбаевдер келип, өздөрүнүн ишмердүүлүгү жана тажрыйбалары жөнүндө айтып беришти. Студенттерибиз жогорку деңгээлде өздөрүнүн активдүүлүгүн көрсөтүштү. Тегерек стол актуалдуу, орчундуу суроо-жооптор менен коштолуп, кызыктуу талкуу жаратты. Иш чара өз максатына жетти.